SUN搞作：打橫嚟講：大陸學者愛教港人愛國

這些放屁學者，請睜大狗眼，勿看低香港人，請你行開啦！同香港人講愛國！

前兩日，又有件低質的北大法律教授喺香港放屁，佢話「愛國」係有一啲「基本要求」的，包括愛中央政府、全國人大、國務院、駐港部隊和政府的決定喎！

吓！駐港部隊？咁！我哋使唔使愛埋「城管」呢？尊重「政府的決定」？佢哋派坦克車對付「家己冷」喎！佢哋拉晒啲「維權律師」喎！香港廢柴政府的決定仲PK，佢哋話香港人嘅母語（即廣東話）唔係「法定語言」喎！咁！我愛廣東話，算唔算唔愛國呢？仲有呀！我哋愛東莞、撐東莞，得唔得先？

北大教授，你愛講解「愛國」，唔該你叫大陸的高官嘔番晒啲「污糟錢」出嚟先啦！又叫佢哋燒晒啲子女嘅外國護照先啦！並且唔好再喺海外小島註冊公司啦！唔好一箱箱現金捧去英美投靠「外國勢力」，令番邦「經濟發達」至得o架？

講「愛國」？喂！北大教授，你有無海外護照先？你啲家屬有無係「外國人」？請申報！

一群九流流的大陸垃圾學者低質亂噏，影響中國形象，傷害中國人民的感情。

香港人一直愛國愛港，所以，最討厭那些拿了維穩費而亂港的卑鄙小人！可恨，佢哋總自封係「愛」字頭的！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府