霸船風波沒完沒了，李衞又咁啱喺垃圾會遇見「元秋」，正要掉頭走之際，卻被其玉手輕輕摟住……

元秋：衞衞，你做乜走咁快喎，你唔知人哋沉咗船咩……

李衞：吓……沉船？啊！係囉，越南下龍灣真係沉咗船喎，你一定有排煩喇，我都係唔阻住你喇……

元秋：耶！你好衰o架！你扮乜嘢唔知人哋講緊沉咗咩船喎，衰鬼！

李衞：嗯……莫非剛過去嘅情人節空虛寂寞，你已經……暗地裏……乜嘢咗我……哎喲！做乜冚我？

元秋：你瞓醒未呀？我係話架走私船沉咗喺香港呢邊，深圳海關越境執法嗰單呀！

李衞：哦，早講啦你！又唔關你事，你唔係又要去愛與和平佔領隻船吓話？

元秋：唔係，我係諗緊深圳人大幾時越境開會，到時我無得發爛渣啦！

李衞：＃＆（＠＆＊︿＃﹀！

第一手消息請下載on.cc東網iPhone/iPad/Android/Windows Phone Apps