早前都講呢排大埔林村好熱鬧，香港客屬總會尋日就喺林村搞咗個新春盆菜宴，有約六千人參加，新界西立法會議員Ben陳恒鑌着咗件唐裝到場，金光閃閃。阿Ben話件賀年裝喺香港買嘅，過新年，點都會準備一兩套衫應吓節。另一名議員鍾樹根就好唔同，佢着咗係飛機恤，好休閒。
陳恒鑌（右）及大埔區議員張國慧同大家拜年。
代表政府出席嘅教育局局長吳克儉就形容自己係大好友，所以任何人請佢都會到，佢又尤其鍾意食盆菜，仲分析埋盆菜菜式，講到對盆菜好有研究咁。
