城中鏡：鄭泳舜含淚跑畢全馬
全城尋日熱跑渣打馬拉松，喺跑手行列中，不乏政界人士身影。「政界長跑王」兼深水埗區議員Vincent鄭泳舜、立法會資訊科技界議員莫乃光、民協立法會議員馮檢基同體育、演藝、文化及出版界議員馬逢國等都冒寒參賽。
鄭泳舜順利完成人生首個香港「全馬」賽。（被訪者提供）
首次跑香港「全馬」嘅Vincent，以三小時五十三分完成，尋日佢喺社交網站facebook上載「戰績」，跑畢全程嘅佢，拎住獎牌展示勝利笑容。跑「全馬」認真唔講得笑，賽事中途佢兩度抽筋，痛到流下男兒淚，但諗到可以用雙腳踏遍香港土地，幾痛都忍，期間有途人為佢遞上糖果打氣，令佢即時醒神晒，最後順利衝線。
參加「半馬」嘅莫乃光，以兩小時五十分完成，時間慢過舊年，但總算有交代啦！
