淫賤黎神色凝重走入《爛果》編輯部，「今日，我有個特別任務，邊個願意接手？」人人鴉雀無聲，淫賤黎見狀續道︰「估唔到東莞會無人肯去……」少膽虫一聽，即刻展現男子漢「本色」，「養虫千日，用在一朝，就等我呢條虫為《爛果》建功立業！」

面色一沉嘅淫賤黎，以手托腮，「今次任務非同小可，依家上面情況危險，日日洗地，以保太平，少膽虫你真係唔怕？」少膽虫一拍心口，「《爛果》連『皇氣』都敢屈，為咗可以再作新聞，我願意犧牲！咁今次任務係……」

「當然係實地考察喇！仲要係親身體驗，作零距離接觸。」淫賤黎答道。一如少膽虫所料，今次仲唔可以歎盡溫柔鄉？「由於今次任務太過危險，公司將會提供安全設備畀你，等你去都去得安心啲。」勢估唔到淫賤黎會咁貼心，少膽虫連事前錢都慳番。

淫賤黎振臂一呼︰「好！今次行動代號定名為『雞戰』！少膽虫你上前攞你嘅安全設備。」要喺眾人面前拎啲咁嘅嘢，少膽虫都有啲唔好意思，點知……「腦細，呢啲套你叫少膽虫點用？」淫賤黎攞出嚟嘅竟然係手套，「採訪禽疫，唔用手套，仲可以用咩，你掂完啲雞記住洗手，咪帶啲菌返嚟！」

少膽虫挺住，少膽虫不哭……

第一手消息請下載on.cc東網iPhone/iPad/Android/Windows Phone Apps