政壇：搞搞政：長毛面臨兩大劫數
馬年展開新篇，我哋早前請來香港術數家協會術數師楊子東批算官員及立法會議員嘅馬年運程，七十個議員好難講得晒，但有幾位議員就值得講吓。楊師傅從諸位議員八字中嘅年、月、日三柱睇到，上庭當食生菜嘅社民連梁國雄（長毛）今年流年不利，上半年更差，其中正月「勞而無功、小心官非」，不諱言長毛「可能好大鑊」。
設計圖片及對白
即使捱到九月，長毛都依然「傷官見官」，容易惹小人是非、官非喎！嘩，咁即係話長毛今年有兩個月份都要好小心至得。建制派方面，楊師傅特別批算平日已經語出驚人嘅鍾樹根同蔣麗芸（Ann），二人馬年都繼續係「口舌招尤」，其中阿Ann「忙而無功」，特別要注意農曆九月會因口舌招尤之事再受攻擊，更警告阿Ann九月「講乜都有人噴」。
至於運勢好嘅議員，白鴿黨嘅劉慧卿不得不提，楊師傅話佢馬年大旺，但可能自恃大旺而「以為自己好掂」，因而鋒芒過露，做咗出位過激嘅行為，所以都係要謹慎。
