政壇：on.cc東網台灣 傳鄉情台灣幫激讚
新春團拜接踵登場，尋日輪到港澳台灣慈善基金會喺尖沙咀新港中心會所舉行，現場備有多款台灣應節水果及過年糕點，台北經濟文化辦事處處長嚴重光見到本報記者時，對「東網」讚不絕口，尤其係近排銳意強化台灣資訊及評論陣容嘅「東網台灣」，嚴重光話係想多了解台灣嘅港人必睇嘅網站，佢仲豎起拇指話：「東網讚！」
嚴重光（中）、林添茂（右）及何玉美齊讚「東網台灣」有助了解鄉情。
基金會創會主席林添茂都話，佢由台灣到香港定居四十幾年來，日日必睇《東方日報》，依家「東網台灣」及時報道台灣訊息，取材係原汁原味台灣味，令旅居香港嘅台灣鄉親可以藉此多啲了解鄉情。
基金會主席何玉美（Emma）透露，今日會所亦將會招呼一班特別嘅客人去會所過個台灣年，佢哋包括辭去百萬年薪免費為貧困青少年補習嘅前中學校長陳葒及幾十位基層學生，Emma話，希望喺任內搭建更多愛心平台，為社會散發正能量。
