SUN搞作：少膽虫手記：爛果上賊船
淫賤黎於海上浮游五天後，怒極咆哮：「賤虫，你同我出嚟！」幻想於百慕達曬太陽嘅少膽虫，急急腳着番褲就由甲板返番去豪華套房，恭恭敬敬咁話：「腦細，係咪無富豪飯堂早餐食，唔啱胃口？」淫賤黎又再咆哮：「你話去到有龍嘅洲，可以做A1，我先跟你上船，坐咗五日，龍鬚都唔見條，你係咪呃秤？」聽罷，個腦虫咁細嘅少膽虫先發覺有唔妥，「咦……又係喎，等我搵船長問吓先！」
「船長，報名嗰陣，話五日去龍洲喎！」船長聽了竊笑，探頭道：「呢度咪龍洲囉！」少膽虫抬頭望了望毫無寸進，五日入面只係浮浮沉沉嘅船，問：「吓！你架船唔郁o架喎！」船長終於頂唔順，「阿生，我哋架船係去聾洲，感受寧靜生活呀！呢度就係目的地！你唔鍾意咪跳船囉！」
少膽虫如實稟報，淫賤黎聽罷大罵：「我要搞佔領，快啲號令其他乘客幫手！」一看，原來只有「極聰明」嘅淫賤黎上錯呢條賊船……
