城中鏡：蔡中虎險搭「被騎劫」郵輪

一向鍾意捐窿捐罅搵美食嘅蔡中虎，差少少就搭咗早排「被騎劫」嘅郵輪遊三亞，最終因為朋友一句話冇報名，依家升咗職做中銀香港保險業務顧問嘅佢，日日朝九晚五，不知幾梳乎。

蔡中虎差啲搭咗早排「被騎劫」嘅郵輪。（資料圖片）

好多人都貪搭郵輪夠悠閒、夠享受，蔡中虎就話之前就打算報郵輪團遊三亞，成事嘅話應該就係搭早排「被騎劫」嗰艘郵輪，最終決定「留港建港」，亦都避開咗上新聞。佢仲話郵輪唔埋岸梗係有原因。

尋日蔡中虎終於低調公開自己最新去向，原來佢唔係完全退休，而係由舊年十一月十二日起，事業更上一層樓，榮升中銀香港保險業務顧問！中銀人壽執行總裁就由老友記老建榮接棒。

咁保險業務顧問即係做啲乜嘢？蔡中虎就話「有人問，我咪顧囉！」咁無人問又點？佢就笑笑口咁話喺office睇吓各大新聞網，緊貼時事喎。