好多政商界人士都趁農曆新年假期外遊鬆吓，立法會議員亦唔例外，其中Ann蔣麗芸選擇搭郵輪，想遊越南，最後變咗郵輪風波嘅「旅霸」，相信佢都始料不及，而有件事都發生喺新民黨副主席「田二少」田北辰身上，同樣都係始料不及喎！

睇吓田北辰嘅滑浪英姿，都算入型入格！

乜嘢事？田二少早前同屋企人去咗加拿大叉電。年過六十歲嘅佢依然活力十足，原本純粹諗住同家人去海邊游吓水同曬吓太陽，但當時見到岸邊有人玩滑浪，佢心思思最後又玩埋一份，搵咗個當地教練指導基本技巧，仲破咗紀錄添！講緊嘅唔係破健力士世界大全喇，係佢破咗呢個教練嘅紀錄，事關田二少係佢歷來年紀最大嘅學生呀！玩開有條癮，佢揚言遲啲會喺香港正式拜師學藝，繼續做滑浪耆英。

第一手消息請下載on.cc東網iPhone/iPad/Android/Windows Phone Apps