政壇：孔慶平唔做主席學「卸膊」
舊年八月已經辭任中國海外主席嘅孔慶平，退休後做咗母公司中海集團副董事長，尋日佢哋搞團拜，孔慶平都有嚟聚下。佢笑言呢幾個月學識咗「卸膊」，所以叫大家唔好再問佢咁多中海外嘅嘢。係就係咁講啫，好多問題佢都係有問必答嘅。
孔慶平雖然冇做上市公司高層，但佢話仲係好忙。
個個都想知，嚟緊中海外中港兩地業務嘅發展，孔慶平就叫大家唔好問佢，要問就問主席郝建民同副主席蕭蕭，將啲「波」拋晒畀其他人。一向好鍾意講笑嘅孔總仲話，冇做主席呢半年時間，佢學識咗「卸膊」，睇佢尋日嘅表現，卸得麻麻啫，好多嘢佢都肯答。
雖然冇做上市公司高層，但佢話仲係好忙。一向都鍾意靜嘅孔總話，早排放農曆新年假，佢無去到旅行，反而吼大家出外旅遊，返咗老家過。佢話農曆新年期間，北京人又少、空氣亦好咗，半個鐘已經可以由東去到西，仲講笑話感覺北京好似細咗好多添！
