原本放緊假嘅少膽虫，突然畀淫賤黎急call返公司，唔知係咪尋日食過雞刺身，搞到少膽虫成朝喺公司粒聲都唔出。

突然少膽虫見到一位警察look打扮嘅人，望真啲竟然係淫賤黎個衰樣，嚇到少膽虫大叫，「腦細，新年流流，着到成個差人咁嘅款，搞邊科呀？」淫賤黎隨即放下一疊紙，少膽虫望到啲數字，心知不妙，「腦細，啲讀者人數又創新低，事關依家係新年，冇咩人睇報紙！」

淫賤黎更加扯火：「虫！你都知《爛果》唔掂……」「信我，新年過後讀者人數一定升番，不過，腦細你呢個look……」「就係人數又創新低，為咗你哋班友，我新年都要扮差人，將我呢輯相放上面書，一定可以令到讀者回流！」少膽虫聽到咁搞笑嘅橋，哭笑不得咁話，「腦細，人哋扮差人真係好多粉絲，但最後咪又係畀人拉咗，虫擔心你咁做會……新年……踎……」

淫賤黎英勇嘅警察look，畀少膽虫如此奚落法，「啪啪！」當然硬食兩巴掌：「你身為腦腫，橋又度唔到，讀者又係咁跌，我有計仔你都ban……」淫賤黎憤怒得大力閂門，「嘭！」睇嚟少膽虫逃唔過初三赤口呢個劫。

第一手消息請下載on.cc東網iPhone/iPad/Android/Windows Phone Apps