貪曾任內亂派2,000億博取掌聲，可惜事與願違，唔單止無助民望，仲搞到香港市民慣性期待年年有派糖，李衞今日就要為納稅人討番個公道！

李衞：貪曾，你任內亂揈2,000億，冤死納稅人，仲夠膽笑騎騎？

貪曾：嘻！2,000億，真係好大數目，之不過我揈錢有人埋單，諗起都過癮！

李衞：過癮？你知唔知自己開大個頭，對接手人係幾大負累？

貪曾：李大人真係一語中的！正所謂事不關己，既然係接手人面對嘅問題，我愛莫能助。

李衞：將責任卸得一乾二淨，果然卑劣！依家我就要為納稅人討回公道！

貪曾：呵！我任內雖然大貪特貪，但講到2,000億，唔通要我嘔番出嚟咩？咪玩啦！

李衞：你呢次最醒目！人嚟，十大酷刑侍候！同我日夜招呼貪曾，抦到佢嘔番2,000億次當填數！

第一手消息請下載on.cc東網iPhone/iPad/Android/Windows Phone Apps