城中唔少名人經常四圍走，其中一位就係前港姐冠軍孫泳恩，佢移居咗美國洛杉磯，但家吓又計劃緊返香港，佢話自己個心根本無離開過，依家只希望等女兒長大自立，佢就可以移居返香港喇，因為父母年紀較大，佢都想多啲留喺香港，喺父母身邊照顧吓。

孫泳恩（後左）與林穎嫺（後右）及林的兩位千金在洛杉磯相聚，各人的唐裝打扮好有心思。

雖然佢人在美國，但都不時返港探親及工作。日前佢喺洛杉磯就同一啲移居當地嘅前港姐會面，並聯袂出席一間纖體及美容中心活動，孫泳恩仲為呢間公司擔任顧問添！

當日都有出席活動嘅前港姐季軍林穎嫺應邀喺席中分享咗keep fit心得，又帶同兩名女兒出席，佢兩個女學緊溜冰，呢個廿四孝媽咪都有陪同。

第一手消息請下載on.cc東網iPhone/iPad/Android/Windows Phone Apps