SUN搞作：少膽虫手記：鬼叫你咁黑

「少膽虫你喺邊呀？」淫賤黎大嗌，少膽虫嚇醒一望，已經天黑喇，而且壹全霉無錢交電費，天台燈都無盞。呢個時候淫賤黎發晒狂咁雙手亂舞，一邊嗌少膽虫。「腦細！我喺度呀，你見我唔到咩？」少膽虫高叫。

「啪啪啪啪啪！」淫賤黎雙手打到少膽虫，二人同時驚叫。「啊！乜你喺度咩？」「啊！乜你見我唔到咩？」少膽虫哀號。

「睇過……」淫賤黎借住月光一望，果然望到少膽虫：「嘩，乜你變咁黑呀？年廿八無洗邋遢咩？」少膽虫先知自己曬燶咗，除咗唔知要做幾次mask補救，仲要無端畀人打，急怒攻心起嚟就頂撞淫賤黎：「黑就可以畀人打咩？就係因為黑先要特別留意、特別睇路呀！」

「好呀你，窒我？」淫賤黎大發雷霆：「人哋大條道理睇唔到外傭傷痕添啦，啪啪啪啪！」