貪曾坐喺河邊食罐頭鮑魚,個鮑咬咗一啖,唔小心跌咗落河,貪曾傷心到喊。聽到喊聲,上帝出現了,佢問貪曾:「點解你喊?」貪曾好傷心咁話唔見咗隻鮑,仲話無得食佢會死喎。上帝將隻手伸入河,拎咗兩隻鮑魚上嚟,一隻畀人咬咗啖,另一隻係四頭鮑,問:「邊隻係你?」話明貪曾,梗係揀大嗰隻擸咗佢。

食過翻尋味,貪曾第日又去河邊,仲帶埋貪湯添,貪湯將數支過期烈酒一嘢掉入河,然後似哭非哭咁叫救命。上帝又再出現喇,佢問:「孩子,你點解喊呀?」貪湯話:「我唔見咗幾支靚酒呀!」然後上帝跳落水,撈咗一堆酒出嚟,左手拎住幾支茅台,右手係法國酒莊限量出產嘅葡萄酒,貪湯的貪眼馬上發出獠光,大叫:「呢啲全部都係我!」貪曾又和應話:「我最誠實喇!我保證啲酒係佢嘅!」

上帝施施然畀啲酒雙貪拎走。一晃眼,雙貪手上嘅酒,突然變晒手銬,緊緊鎖住兩人,上帝又再出現,正直咁話:「多行不義!你哋等住落鑊啦!」

第一手消息請下載on.cc東網iPhone/iPad/Android/Windows Phone Apps