「香港，勝在有ICAC！」可惜兩粒老鼠屎搞壞一窩粥，貪曾貪湯害人害物，累廉署形象掃地，今日李衞就要幫雙貪埋年，為香港出番啖氣！

貪曾

貪湯

李衞：人嚟，每人杖打八十大板！

雙貪：等等！點可以未審先判！呀……呀……呀……（絕代雙貪屁股開花，在公堂痛苦呻吟。）

李衞：頭先嘅板子，係教訓你哋面目可憎，正宗唔使審，依家先動真格！貪曾貪盡海陸空，貪湯就喺你庇蔭之下以權謀私，搞到香港廉潔掃地，唔法辦你兩個，點對得住朗朗乾坤？

貪曾：我未貪夠呀！我未貪夠呀！我唔想死呀！

貪湯：李大人，你都話係佢照我，我被動！最多我做金手指篤死佢！

貪曾：你個貪湯，出賣我？李大人，我都要轉做污點證人，頂證貪湯，唔好鍘我呀！

李衞：放心，時辰未到！

雙貪：咁咪即係唔使死？多謝李大人！

李衞：遲啲先再多謝我啦！既然你哋鍾意狗咬狗骨……好，落閘放狗！

雙貪：汪汪！汪汪！汪汪！汪汪！唔好埋嚟呀……

第一手消息請下載on.cc東網iPhone/iPad/Android/Windows Phone Apps