泰國局勢持續不穩，本港都因應最新局勢一再調整旅遊警示，由於臨近過年，此舉亦打亂好多人出外旅行嘅大計。政界名人陳智思家族幾乎每年都會趁農曆新年返泰國，呢個舉家團聚嘅傳統多年來不變，但今年都要因應時局改變。
日前我哋喺社交場合見到陳智思爸爸陳有慶，當時局勢仲未惡化，佢當時仲計劃農曆新年照返泰國，點知隔咗一晚即刻有變，陳有慶話今次泰國內亂嘅時間比較長，局勢睇上去亦較混亂，所以佢哋都決定留港過年。陳家等到臨過年先決定唔返泰國，真係夠晒深思熟慮！
