平治司機：「呢個人有料到，手車好辣」
【本報訊】「佢見人撞人，見差人撞差人！」瘋狂偷車賊在港島橫街窄巷上演驚險「碰碰車」，不少目擊者直言「佢失晒理智」！
平治跑車司機李先生稱，他七十年代當差五年，年輕時愛到澳門賽車，現於銀行任司機。他事後不禁大讚車賊醒目，雙目炯炯有神，「呢個人有料到，手車好辣！」一個月前剛動完肝臟大手術的他，一口氣追到摩利臣街，並向警方講述車賊逃走路線。他稱：「當時每一秒都轉動得好快，位置都唔同晒！佢見人撞人，見差人撞差人，啲鐵馬都撞散！有警察掹槍，又拎警棍敲佢玻璃……」他估計當時車速高達一百公里。
李無奈指，被盜去的兩萬元現金是替朋友兌換的利是錢，當時放在司機位旁，不過他亦慶幸，車賊匆忙間未有搜掠司機位旁一個載有三萬元現金及信用卡銀包的儲物箱。另外，解款車司機憶述：「佢（車賊）喺後面不斷砵我，大家都咁逼，點行呀？點知佢見唔讓路就撞咗兩下，車尾泵把都甩出嚟！」
