睇電視新聞，見前廉政專員湯顯明就任內涉嫌貪腐，在立法會專責委員會研訊時的砌詞狡辯、巧言令色、想死想死咁款嘅衰樣，究竟，佢知唔知咩叫羞恥？我諗，佢唔知囉！

呢條粉腸直認平均每個月的公務酬酢上，飲用兩樽烈酒和十二樽紅酒，係「有分寸」嘅做法喎！

吓！買酒啲錢，係我哋香港人！有分寸？小你就有分寸！

被下屬指證外訪行程「玩嘅成分居多」嘅貪湯，多次未獲特首批准而已出機票，及經常擅自提升機位及臨時改行程，佢唔通知特首的原因，話係特首「日理萬機」，「我唔需要為呢啲事情麻煩佢」喎！咁冇規冇矩，自把自為的自肥舉措，竟出自宣揚法治精神嘅廉記阿頭，香港廉潔排行榜又怎會唔下跌吖！

在此要問呢件粉皮貪湯，你認為點先算係貪腐呢？

嗱！若有條契弟如你咁唔被召上立法會審問，佢都唔主動交代多次私吞紀念品及禮物；又曾用公帑多番送禮和宴請內地官員及政協委員，傾過吓退休後啲嘢咁啦！你覺唔覺得佢有問題呢？若無，是否立即放人，兼打個金牌送畀佢呢？

當湯顯明對住記者說「要講嘅，都講晒」嘅時候，這無恥之徒，真叫人火滾，該拉佢去犬決！好！如貪湯被判去北韓行刑，我願出機票送佢一程，兼加送一樽蜜糖，吓！問蜜糖有乜用？哦！犬決嘛！用蜜糖搽佢JJ囉！

貪湯今日仲諗緊，我犯咗乜罪啫？如果我咁嘅身份地位喺大陸，一個月點只飲兩支烈酒同十二樽紅酒呀？仲有女陪添喎！郁我？真無天理！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps