李衞見親勞福局「張見舂」，幾乎見一次想舂佢一次！何解？咪就係外傭懷疑被虐一單接一單，香港淪為奴役之都，佢依舊得過且過，竟然諗住上半日堂就可以教外傭自保……

張見舂：喂喂等陣先呀李衞，咪舂我住，我真係有新橋今次！

李衞：吖，你又知我想舂你嘅？你有咩新橋啫，咪又係叫奴供處多啲呼籲多啲宣傳多啲執法，然後再爆幾單！我吒！

張見舂：好痛呀！喂，信我，我今次條橋真係好有效，包保以後僱主以禮相待！

李衞：真係嘅？總算你好過隻乜都唔做嘅禿鷹，快啲講嚟聽吓！

張見舂：我決定以後引入退役泰拳拳手作為外傭主力，睇吓邊個僱主敢同Tony Jaa練過！

李衞：高招呀！不過我有一招仲勁！

張見舂：哦！願聞其詳！

李衞：就係引入泰國黃衫紅衫軍推翻你班庸官廢官！家陣人哋驚無咗飯碗，任你法律超人、武林第一都無用啦！我吒！我吒吒吒吒！

張見舂：＠＃～％＆（％！！痛呀！

第一手消息請下載on.cc東網iPhone/iPad/Android/Windows Phone Apps