城中鏡：何倍倩陳君宜掃海味過年
臨近農曆新年，恒生新抱Anina何倍倩同名媛Qinnie陳君宜特登去西環海味舖購買海味過節。對食有研究嘅佢哋喺揀海味時都顯得有板有眼，又不時請教海味舖職員，可謂非常有心。一向有下廚嘅Anina直言每年都會嚟揀海味，佢話：「因為每年團年飯都會預備啲需要用海味整嘅菜式，啲菜式要有意頭，好似髮菜蠔豉咁。我慢慢學點揀，依家都識少少。」
何倍倩（右）同陳君宜去海味舖掃貨，揀起嚟有板有眼。
Qinnie透露曾經試過自己整蘿蔔糕：「有一次睇住師傅整蘿蔔糕，好似好易，之後就買番同樣的材料去整，點知唔記得落粉。原來個師傅當初示範就已經忘記落粉，我又跟住做，最後出來勁難食，超硬，切都切不到，被我老公踩完之後，我就冇整過啦。」
