立法會議員梁美芬多年前因落區教人捉老鼠，而被外界賜予「鼠王芬」嘅外號，但其實佢作為九龍西直選議員，加上隸屬嘅政治團體名為西九新動力，令佢同樣有「西九芬」嘅別稱。尋日「西九芬」向立會秘書處申請退出監察西九文化區計劃推行情況聯合小組，莫非佢唔想畀人再叫佢做「西九芬」，所以決定斬斷同西九嘅關係？

梁美芬

梁美芬解釋，退出委員會並唔係因為想洗脫「西九芬」外號，而係因為今年會議安排喺周五早上舉行，同佢喺城大嘅教學時間撞到應一應，所以決定忍痛退出聯合小組。不過，即使佢唔會出席相關會議，但佢仍然心繫西九文化區，仲同秘書處講明如果遲啲有啲咩參觀活動，一定要通知佢，等佢夾吓時間參加咁話。

第一手消息請下載on.cc東網iPhone/iPad/Android/Windows Phone Apps