自從離開咗愛護香港力量之後,陳淨心另起爐灶成立愛港行動,聲氣都少咗好多。不過,佢周不時都會喺社交網站留言,保持人氣,好似近日咁,佢就上載咗幅相,見到佢喺右邊頸部「紋」上一條龍,唔通佢要表明心志,要做龍的傳人?有網民一眼就睇得出,陳淨心嘅紋身係印水紙,部分就話「紋」得唔錯,又叫佢剪番個潮啲嘅髮型。佢就話早排喺大埔一間精品店見到個圖案,用五元買一張嚟玩玩,條龍貼咗唔夠兩日,就會消失。

有網民一眼就睇得出,陳淨心頸上嘅紋身係印水紙。(互聯網圖片)

第一手消息請下載on.cc東網iPhone/iPad/Android/Windows Phone Apps