多吃蔬果抗氧化做足ABC
【本報訊】為咗靚，女士可以去到幾盡？網上不時有群組討論Gel甲後出現的皮膚問題，惟女士「冇有怕」，為「靚甲」不惜冒險。有醫生指，接觸紫外光就如吸煙，應盡量避免，否則需做好防曬及多進食抗氧化的食物，減低傷害。
網民倡照燈前塗防曬品
有網民透露自己用紫外光燈美甲三個月，手背竟變成「兩截色」，長期暴露於紫外光下的皮膚明顯變黑，十分憂心。另有網民堅稱，照紫外光燈會加速皮膚老化，出現大量皺紋，建議女士照燈前切記要塗上防曬用品。
「醫學界一直提倡ABC：Avoid（避免接觸紫外光）、Barrier（塗上防曬產品）同Cover（以帽及傘等保護皮膚）。」皮膚科專科醫生侯鈞翔指，要防止紫外光傷害，辦法不外乎防曬及多進食青菜及水果等食物，這些食物內含的維他命C可以稍為減低紫外光的傷害，有助抗氧化，「但（抗氧化食物）都唔等於可以阻止基因病變，亦唔可以醫病。」他強調，最佳方法還是避開紫外光，「（照UV燈）其實就好似食煙咁，唔會建議你可以幾耐或幾多，要盡量避免。」
