SUN搞作：SUN官場現形記：死不悔改
貪湯就任內酬酢及外訪事宜作供，面對議員連番批評，貪湯仍然厚住面皮話自己無罪。佢午夜夢迴，竟夢到閻王升堂審其罪狀……
貪湯︰我任內努力工作，或有不完美和不足……
閻王︰係呀！你任內「工作」就係努力收禮，貪得就貪！
貪湯︰收禮係中國人嘅風尚，所謂禮尚往來。
閻王︰咁酒呢？你任內縱容烈酒文化，你又點解釋？
貪湯︰中國人好客，用烈酒又係因應接待客人嘅風尚。
閻王︰哦，原來係咁，鬼差同我捉住犯人！
貪湯︰點解？點解要捉我？
閻王︰你咁鍾意風尚，陰間風尚係講大話就要勾脷筋，你頭先講咗咁多大話，所以……
貪湯︰唔好呀！
