香港青年協會尋日在十八區筵開千席「鄰舍團年飯」，宴請街坊食盆菜，主禮嘅黃錦星都有份食，盆中有鮑片、腩肉等非常豐富。有人質疑咁大盆盆菜，會唔會食剩變廚餘，黃錦星就堅稱唔會，話食唔晒嘅菜會畀街坊打包拎走，會場嘅餐具亦可循環再用。
黃錦星（左）喺盆菜宴中與同枱學生話當年。
黃錦星又貫徹惜食形象，話外出食團年飯時每席十二位只會叫六道菜，平均兩人分一道菜，佢仲話會鼓勵飲食業界效法，推出每席六道菜嘅套餐，等香港少啲大嘥鬼喎。
