《禁止層壓式計劃條例》雖然生效至今兩年，但層壓式推銷仍禁之不絕。有疑為直銷公司經理製作「秘笈」教人拉下線入會，列出「九大必答質疑」，教導會員應付朋友疑問；更以贈送產品的方法，收取最少三千、最多三十六萬元天價「投資費」，而每拉一名下線入會，上線可獲「投資費」一成的佣金。不過，有九十後少女被掏光六萬元積蓄入會，亦有大專生覺得受騙後，欲取回「投資費」不果。法律界人士直指，只要證實有關人士含「拉下線抽佣」成分，已涉嫌進行層壓式推銷，若入罪，最高判監七年。

層壓式推銷入侵本港多年，不少市民身受其害。（資料圖片）

Michael（右）相約記者在一間快餐店會面，並講解入會情況。

警方早前曾搗破一間涉及層壓式推銷的公司。（資料圖片）

女受害人 Emily

邊有咁筍?
黃小姐（大學生）：我冇朋友做傳銷保健產品，但如果知道有朋友參加有層壓式成分嘅公司，都會叫朋友唔好做。

王小姐（文員）：我一定唔會買，如果真係咁有用嘅產品，唔使用呢種（層壓式）手法推銷都大把人爭住買。

涉及層壓式騙案數字

去年九月，二十一歲大專生Emily聽朋友說有兼職介紹，「佢話賣保健食品，仲有賣名牌手袋、名錶，兩日搵幾萬蚊，又話有人買咗九層樓！」不過，Emily與該公司經理面談後，對方卻要求先付至少三千元「投資費」。半信半疑的Emily付了三千元後，獲得一批保健食品試用，介紹她入會的「上線」朋友，亦分得一成，共三百元的佣金。

促背熟「秘笈」隨時抽問

該經理解釋，公司業務分兩種，其一是找人入會當「下線」，每邀請一人加入，「上線」便可從他付出的「投資費」中抽佣一成；其二是推銷產品，但需先向公司入貨。此後Emily不時往位於九龍的寫字樓學習推銷技巧，該經理更派發「九大必答質疑」作教導，「例如畀朋友問：係唔係層壓式推銷嚟？就要答：梗係唔係啦！唔好畀字面呃到呀，香港政府架構、學校架構同埋打工制度，咪又係一層層！仲要背晒所有答案，經理會抽問。」Emily更指，入會後要「出賣」朋友，向該公司提交朋友聯絡資料及背景。

不久，Emily再次被該經理要求繳付六千元「投資費」，「起初好唔想，佢哋話投資得愈多錢，第日拉下線除咗佣金仲有紅利分！我話冇帶提款卡，佢哋就跟我返屋企，喺樓下等我落嚟撳錢！」這時她已沒多餘錢入貨，漸覺受騙。該經理察覺她神色有異，遂召她入房，不停發問：「你係咪想買樓先？係咪想出人頭地先？你要吐氣揚眉！」

Emily愈想愈覺不妥，上網搜尋發現不少人在同一間公司有相同經歷。如夢初醒的Emily即時向該公司要求退回「投資費」，但不得要領。Emily指，現時仍有不少同齡朋友在該公司沉醉發達夢中，「有個（朋友）畀咗六萬蚊投資費，其餘十幾個每人幾千至幾萬，夾埋成十幾萬！」

記者放蛇 被游說付6萬

記者日前佯裝有意找兼職，與該公司另一名經理Michael（化名）會面。對方簡介完後，便要求記者付錢入會，「三千蚊做基本會員，九千蚊做門市會員，我就建議你畀六萬蚊做區域經理，有多啲積分！」根據Michael介紹，付錢愈多「職級」便愈高，最多付出三十六萬元，便可成為該公司更高級經理，該公司則會提供價錢相若「健康食品」試用。積分方面，每找一名下線在該公司消費或投資滿三千元，上線便可獲一分，每分可換取三百元現金，當中三十元是該公司推出的「虛擬貨幣」。

記者聽罷計劃後，稱沒現金欲離開，但Michael極力慫恿記者「碌卡」，更稱可分期付款，又指「你依家唔畀錢我就唔預你做！」記者最終堅決離開，糾纏近三小時後，對方才「黑口黑面」放人。

記者其後表明身份致電Michael，對方拒絕回應事件。另外，該公司的總經理則表示，該公司並無任何投資計劃，亦不會收取任何會費。顧客只可透過該公司網站購買產品，顧客於網站消費後自動成為網站會員。他指Michael是該公司其中一名會員，其言論跟公司完全無關，「我哋唔排除呢位會員用咗公司嘅名，講出一啲令人誤解嘅說話。」他又稱，該公司沒有任何投資會員及介紹朋友投資計劃，更無派發教授會員應對朋友的「九大必答質疑」，有關筆記可能來自其他會員。

第一手消息請下載on.cc東網iPhone/iPad/Android Apps