內地客逼爆此地，已嚴重影響香港人日常生活，在一片反蝗聲中，政府慌死香港未陸沉，頻頻向同胞招手獻媚，仲做了一個所謂接待旅客能力評估報告。

真係唔講猶自可，一講嚇死你，呢個報告話，估計到了二○一七年，將會有超過七千萬人次旅客訪港！

咁都未算得人驚，到了二○二三年又有幾多呢？一億人次！你無聽錯呀，係一億呀，即係一後面唔知有幾多個零，即係十三分之一中國人！問你死未！

聽到呢單新聞已經夠扯火，仲要有條卡片蘇局長皮笑肉不笑，一臉幸災樂禍咁樣在記者會上大發謬論，「好坦白講」風涼說話，香港屬外向型經濟體系，不應設上限，希望市民要包容「可能坐地鐵呢一班未必上得到，要等多一班」!

包容？講呢啲？喂，你班做官嘅當然係無所謂啦，個個出十幾二十萬糧，有埋司機車出車入，即使遲到咩，So What？你咬我食呀？反正返到辦公室都係吞泡等運到，之但係對於普通一個打工仔小市民，遲一班車，隨時連最低工資都無埋呀!

仲有呀，佢哋個個把口就話「家在香港」，實情一個二個都心繫英美加，二○二三年香港陸沉之時，呢班友若果老而不死，應該全部早已較腳去晒西方大國，對住個火爐懶Warm咁同個孫仔一齊睇電視新聞，話畀個小朋友知當年佢如何如何引蝗蟲入關，講到呢度，爺爺諗起一套經典舊片《關公大戰外星人》，哈哈哈，當年竟然有茂李為香港打生打死，真係難為了兩位大人物嘍，然後兩爺孫繼續笑住睇你班走唔甩的窮L點死！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android Apps