阿保一族：素食BB救地球
綠色生活當道，連BB也「染綠」！健身教練家杰與太太Ice八年前起茹素，他們近兩歲的結晶亦成為「素食BB」，兩人不時帶他感受大自然，宣揚環保意識。家杰早前更建立了「素食BB」社交網站專頁，經常開素食派對，讓素食父母交流營養資訊，短短半年已吸引近千名成員，致力培養拯救地球的小超人！
「素食BB」齊齊參與素食派對，樂也融融。
Ice指，畜牧業碳排量嚴重，加劇溫室效應，影響地球生態。
桌上沒漢堡包、腸仔及炸雞，取而代之是雜菜番茄盅、牛肝菌炒飯及藜麥粥等素菜。
家杰（右）、Ice和兩歲兒子一家三口均是素食一族。
透過社交網站專頁，素食小朋友之間建立深厚友誼。
這天，家杰的家中格外熱鬧，小朋友拿着碗筷圍着擺滿佳餚的桌子，興奮地等開餐，家長們則在旁邊舉行食物營養研討會，派對氣氛濃厚。
減養禽畜紓溫室效應
有別於一般派對，桌上少了漢堡包、腸仔或炸雞，取而代之是雜菜番茄盅、牛肝菌炒飯及藜麥粥等素菜，少了肉類，眾人依然吃得津津有味。
「大量養殖禽畜供應畀人類食，再加埋運輸，其實過程中有好多碳排放，好唔環保，而且動物咁可愛，點捨得食﹗」負責菜式料理的素食媽媽Ice指，畜牧業碳排放量嚴重，會加劇溫室效應，影響地球生態，大量進食肉類的人類變相成為「幫兇」。她又指，肉類飽和脂肪多，多吃可能影響健康，茹素環保又健康，一舉兩得。
Ice及家杰更培養兒子素食習慣，家杰表示，兩人不時會帶他親親大自然，教導他愛惜環境，「我哋放假會帶個仔去行山，仲會喺屋企播動物片，等佢由細個開始就了解大自然同動物都係我哋嘅朋友，要好好愛護，依家佢見到魚，會識講﹕『痛痛，唔食！』」
社交網專頁分享心得
家杰更在半年前在社交網站建立專頁，讓素食家長互相分享心得，至今已有近千名會員加入群組，眾人更經常進行「素食BB」聚會。
會員之一的素心，其女兒篤篤已素食六年，她認為最重要是讓子女透過素食，了解保護環境的意義，「我會同個女解釋唔食肉嘅原因，係因為地球養育我哋，我哋應該尊重環境，所有資源都要用得其所。如果佢第時想食番肉，我都會尊重佢，最緊要係佢為自己嘅選擇負責。」
