政壇：盧韋柏教後輩咪齋睇書
花旗銀行學堂喺港大開壇，話咁快十周年，香港及澳門區行長Weber盧韋柏都係港大舊生，佢尋日同四十九位師弟妹講，話智慧呢家嘢唔係靠齋睇書，待人接物同應變能力都好緊要。佢仲請埋畢業同學仔分享，睇怕就嚟可以組個舊生會。
盧韋柏（中排左三）同一班港大師弟妹合照。
以Weber嘅資歷，再加埋佢道氣場，啲學生聽佢講嘢聽到大大力點頭，睇嚟好有說服力。有學生喺花旗法規部實習，話去查邊啲交易有可疑，覺得自己成個裁判咁，又有人教，好有得着。梗係啦，收到風話呢個近三十小時嘅course，導師精英盡出，好似林鈺華、張敏華、郭炬廷，全部都係花旗高層，一啲都冇欺場。
