SUN搞作：少膽虫手記：壹全霉新猷

「你點管創作部o架，啲故事毫無吸引力，搞到讀者跌、銷量跌、廣告跌、廣告費跌，我啲身家都買少見少！」淫賤黎對我呢條可憐虫無限上綱，我亦只好獻身捱插，同時思考脫身之策。「腦細，不如我哋活用吓現有資源，睇吓點搵真銀啦！」淫賤黎聽到搵真銀，雙眼即時發光：「好！不如我哋唔好印報紙，改印銀紙啦！」少膽虫一聽，即時冷汗直冒，須知道印偽鈔何其大罪，到時衰咗，淫賤黎實推我去死，梗係亂吹耍走佢啦：「腦細，印銀紙都係印嘢，換湯不換藥，我哋要來個大革新，先顯得你英明！」

淫賤黎喺我吹功之下舒暢無比，本虫見機不可失，立刻再下一城：「其實我哋創作部好多同事晏晝都係食飽等屙，不如改晒佢哋當早更啦。」淫賤黎諗極唔明，只好港女上身問：「點解嘅？」「腦細，就嚟農曆新年，好多內地人都鍾意買港貨，送禮自用夠安心，你話如果壹全霉有隊水貨黨，朝早走番幾轉，你話幾和味！」從淫賤黎嘅淫笑，我已經知道佢好贊成呢個提議，我惟有喺心中同班細嘅講聲辛苦晒咯。