一九九三年，卓明就讀幼稚園高班，全班二十個同學仔，有個名叫春雨的同學最會說普通話，班中大部分的同學都不喜歡春雨，說她不是「自己人」，有家長更在背後說三道四，教自己的小孩不要和春雨做朋友，「嗰個春雨講廣東話唔正o架」，「人哋新落嚟嘅」，只有卓明和春雨做朋友。

二○一三年，卓明仍就讀幼稚園高班，全班有一半同學仔都會講普通話，佢哋每朝早越過重重難「關」先返到學，從不說辛苦，因為深明「父母將最好嘅嘢畀咗佢哋」，「喺度讀書係應分，佢哋喺呢度出世」。呢年，卓明識多咗普通話，學會「和諧」相處，其實大家都係「一家人」啫。

二○五三年，卓明繼續就讀幼稚園高班，人數飆升至四十人一班，除了卓明外，其他同學仔都會講流利嘅普通話，佢哋唔使攀山涉水返學，因為家就在隔籬。為了中華民族的大統一，香港市人民政府有責任全力推行普通話教學，自幼稚園起，人人都要講普通話。與此同時，卓明被排擠，同學都議論紛紛：「兔崽子很不合群……」

第一手消息請下載on.cc東網iPhone/iPad/Android/Windows Phone Apps