【專案組報道】新一年喜氣洋洋，惟專辦喜事的婚慶行業卻率先爆出結業潮。近年結婚數字雖然趨升，但婚慶業界指去年已有最少二百五十間商戶「關門大吉」。本報發現，油尖旺區多個老牌婚慶商舖集中地，近期有多間「吉舖」待租。有商戶苦訴，近年生意備受幾大因素夾擊，包括大批「生力軍」散戶劈價搶生意、內地及台灣婚慶公司加入戰團，再加上舖租高企，令生意慘淡。有商戶自爆營業額暴跌超過一半，部分商戶更表明將在今年結業，「止蝕離場」。

胡小姐表示其生意額下跌，但認為婚慶業正汰弱留強，會繼續留守經營。

文小姐訴苦近年生意慘淡，坦言租約期滿就會結業。

部分婚慶商舖集中地，亦有多間商舖正招租。

準新人點睇
黃先生（金融界）、劉小姐（法律界）：「影相我哋會搵番出面啲freelance攝影師，鍾意個風格比較特別，唔似得有啲公司咁一式一樣。」

陳先生（會計界）、林小姐（文職）：「覺得市面好多間舖啲姊妹裙都差唔多，質素麻麻地，會再睇其他樓上舖。」

本港近年婚姻登記數字

近年本港註冊結婚的新人數字趨升，但婚慶行業竟「旺丁不旺財」。

客人齋試無幫襯

記者早前在一個周末下午，前往分別位於太子和尖沙咀的婚慶商舖集中地了解，發現有不少「吉舖」待租，其中在尖沙咀一個商場，幾乎只餘一半商戶繼續營業。

「你睇今日星期日都咁靜，我哋生意跌咗五成。睇多一、兩年再決定繼唔繼續做。」旺角一間婚紗及晚裝店的負責人江女士訴苦，近年多了內地公司及網上商店加入市場，生意難做。她又指，有客人貪平試衫後到內地造衫，「但我哋啲衫用料貴，來貨都過千蚊件，根本平唔到畀客。」而現時她約有一半生意為客人介紹，對行業前景已心灰意冷。

同樣在旺角經營化妝及頭飾生意六年的文小姐亦謂，近兩年人流大幅減少，生意銳減超過一半：「以前啲客可以企滿成間舖，但依家全日都未必有人嚟，你哋係今日第一個。」她慨嘆現時入行門檻低，很多人修畢化妝課程就自立門戶入行，以個體戶形式、低價搶生意，惟她則要面對舖頭加租三成，非常難捱，「租約滿就唔再做，真係無錢賺，我聽其他舖都話可能唔再做。」

三年來不敢加價

生意慘淡，有人選擇關門止蝕，亦有人繼續留守「博一博」。在尖沙咀經營婚慶店的負責人胡小姐亦表示，自己生意下跌近兩成，租金加幅達七成，而蛇年屬盲年，市道奇差，有行家難抵生意差，無奈轉行。惟她相信婚慶業正在汰弱留強，會繼續堅守。胡小姐亦謂，自己三年來不敢加價，亦會與時並進，堅持下去。

對於婚慶業爆結業潮，香港婚禮管理協會會長鄺虹直言，去年已有最少二百五十間商戶結業，租金高企、婚禮預算減少及個體戶增加都令婚慶業營商環境轉差。浸會大學經濟系副教授巫伯雄則分析，婚慶業湧現「生力軍」，促使沿用舊模式的商戶步入式微：「科技進步造就咗新嘅生產形式，利用電子科技去降低成本，增加運作效率，舊有嘅生產形式就會被淘汰，呢種叫creative destruction（創造性破壞）。」他解釋婚慶業的「生力軍」，利用網絡作宣傳平台，亦沒有固定舖位，打破傳統營運模式令成本大減，較舊有婚慶店舖佔優，導致舊有商戶逐步被淘汰。

第一手消息請下載on.cc東網iPhone/iPad/Android Apps