陳婆婆住在天水圍十多年，由初期人煙稀疏，鬼影唔多隻的荒涼郊野，睇住變成今天人頭湧湧、街上寸步難移的墟鎮。

勿以為人多出入，此地運有變，不再是「悲情城市」，殊不知，現時情況仲衰過舊時！

聽陳婆婆講，她當年搬入天水圍，真係交通不便，區內設施缺乏，要乜無乜，但生活頗寧靜，空氣亦也清新，隔籬鄰舍同是清貧一族，沒任何階級分別，反而經常互相幫忙，加上，樓下有數個敞大公園，讓居民散步運動。

陳婆婆與老伴早已退休，能遷住這裏，頗為稱心，不過近幾年，形勢大變，即使晨咁早，公園空地，亦被大群操流利普通話的新移民霸佔，說來奇怪，香港政府話不收緊入境審批權，其主因係畀新移民「家庭團聚」，又話輸入年輕子女來港，增加香港勞動力嘅！點知，原來好多來港團聚的，係六七十歲嘅老人！

陳婆婆指周遭的鄰居，有涉嫌經營非法「劏房」，因見好多生暴人出入同一單位，尤其天氣好有陽光的日子，便有大量衫褲晾出來曬的了！佢仲話，更有人利用單位租畀人開枱打麻雀抽水，而呢班「外省人」又是很快的申請到綜援嘅！但唔知有乜方法，和乜嘢人幫佢哋搞嘅！但同區治安和秩序就差得很緊要矣！公園花槽總是一陣陣尿味，童黨聯群結隊半夜在樓下或走廊喧嘩生事，亦無人敢理！

每晚晚飯後，多咗班少婦在公園跳秧歌舞，之後便同啲阿伯搭訕，生活不知幾充實精彩。可憐香港一批本土原住民，每年納稅，卻兩餐都食唔飽，但又無資格入住這「人間天堂」的天水圍。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android Apps