SUN搞作：網絡小說：鐵人是怎樣煉成的？
「想請個伙記真係好難！」錢老闆搖頭嘆息，「咪係囉，一早話香港要輸入專才啦！」身旁的利老闆忍不住點頭附和。兩人舉杯一飲，利老闆又借醉意道︰「依家啲後生仔成日話人工唔高，好嘞我出夠十萬請人，哈！竟然無人肯做。」
錢老闆一怔，「真係？啱啱畢業你都出十萬，咁都無人肯做？」利老闆喝得面紅耳熱，「話太辛苦喎，啲80、90後都唔似我哋舊時咁捱得！」口中咀嚼鮑魚的錢老闆大表認同，「咪就係，獅子山精神得我哋嗰代人先有。係呢？橫掂你請唔到人，不如請我個仔，我都想佢磨練下，而且待遇仲咁好。」
利老闆滿面笑容，「當然無問題，年薪十萬，每日工作23.5小時、一星期返六日半、OT無補水、無雙糧花紅津貼，世姪幾時可以返工？」
