一黑衣人直闖經歷火劫嘅北角五洲大廈，神情之焦急，似要為所做之事補鑊……
黑衣人︰查牌，男左女右，職員企中間。
賓館職員︰阿sir，我哋呢度係正經地方，唔搞黃色事業，放過我哋喇。
黑衣人︰邊個話我係職員，我係民政事務總署啲人。
賓館職員︰哦，嚇死人咩，無事就走喇。
黑衣人︰我都話查牌，未查點走？
賓館職員︰咁咪就係要走，真係講極都唔明。
黑衣人︰你係咪玩嘢？
賓館職員︰你話查牌，有牌就有得查，我哋都無牌，你查空氣咩！
黑衣人︰@##$$%%^^&^
