城中鏡：阮馬素任影冇托手(月爭)
德國體操運動員阮馬素（Marcel Nguyen）同女友前晚現身太子大廈，見到有記者在場，佢表現略為驚訝，但仍友善咁畀記者影相。經過嘅途人見狀，即上前要求合照，阮馬素冇托手(月爭)，佢女友亦識趣行開。問到新年願望，阮馬素話：「身體健康。（留幾耐？）二月頭，今次嚟香港旅遊。」而佢女友就話首次喺香港度除夕，感覺非常良好。佢哋逗留短短二十分鐘後就鬆人，問到點解咁早走？阮馬素話：「計劃有變。」隨即同女友笑住離開。
阮馬素同女友好友善咁畀記者任影相。
雷禮權一家三口嘅服飾都以黑色為主調。
同場仲遇到「九巴後人」雷禮權同太太利蘊珍及女兒，三人嘅服飾都以黑色為主調，仲大方企定畀記者影相。問到佢哋嘅新年願望，雷禮權話：「年年都一樣，身體健康。」再追問係咪要靚啲？佢話唔使靚。
