城中鏡：毛玉萍囝囝避答婚期
前晚除夕夜，名媛毛玉萍嘅兒子Eric Yu同盛裝打扮嘅女友現身中環某間酒店，佢哋表現恩愛，手拖手入場。問到新年願望，Eric話：「希望大家都好。」至於今年會唔會結婚呢？佢就未有回答。轉頭又見到立法會前議員楊孝華嘅大仔楊哲寧同女友到場，佢好友善咁應記者要求同女友合照，但就未有回答有乜新年願望。
毛玉萍囝囝Eric同女友表現恩愛。
丁何穎雯嘅新年願望係身體健康。
之後又見到王秀琳以一襲鮮紅通花喱士晚裝到場，為咗迴避鏡頭，佢刻意喺側門入場，記者要透過玻璃門影相，佢全程都冇直望鏡頭。至於丁午壽兒子丁天立嘅太太丁何穎雯當晚都盛裝亮相，仲企定定畀記者影相，問到新年願望，佢話：「身體健康。」至於老公點解冇一齊嚟，佢就話老公已一早入咗場喇！
