尋日民陣發起元旦遊行，傳統上建制派都盡量避免畀人撞到，以免被人問係咪參加遊行。不過，立法會主席曾鈺成就一時失手，竟然喺港鐵中環往銅鑼灣嘅車廂內畀泛民主派嘅沙田區議員麥潤培撞到，只見曾主席一身紅噹噹打扮，拎住部手提電話左撳右撳。
着到紅噹噹嘅曾鈺成喺車廂猛手機。（互聯網圖片）
麥潤培見機不可失，即時上前打招呼，仲趁機問曾主席係咪參加遊行，當時曾主席只係「嘻嘻」兩聲就再冇特別回應嘞！之後，佢就喺金鐘站落車，莫非佢連元旦假期都要返立法會工作？
