SUN搞作：打橫嚟講：語癌上腦文盲築福香港
本以為香港衰足一年的霉氣，隨着昨夜除夕煙花爆破後，灰飛煙滅。今年，可有個好開始，一切美好，哼！點不知，呢位香港廢柴政府無嗰樣整嗰樣，衰嘅糗事剛走，更PK的，便接踵而來！
由香港廢柴政府政務司司長林鄭月娥孭飛的「家是香港」運動，在毫無建樹、一片嘲罵聲中，死撐了八個月，才壽終正寢，當大家鼓掌時，那個「扶貧委員會」卻又搞另一個A貨接力，今劑易名為「築福香港」。
上次搞收買人心的「家是香港」，個名已文法錯晒，語義混亂，教壞細路的了！依家，仲變本加厲，肆無忌憚的明錯畀你哋睇，又奈得我何咩？
「築福香港」，學人玩食字，呢種民間噱頭式小玩意，喺啲搞笑廣告裏面出現吓，是創作的調味品，無傷大雅，但作為政府，唔係唔畀你哋玩，但可否不要低手得咁低B呢？簡直係語癌上腦嘅文盲。
「祝」，有「向人表示良好願望」的含義；「祝福」，更是「祝人平安幸福」之意。好端端典雅的中國優美文學唔用，偏要搞媚外崇洋的！用「築」字，就是林鄭常說的「構建」、「築構」乜乜「願景」（有「願望」又唔用）。繼政改諮詢文件的「五『步』曲」（正字應是「部」）後，又一白癡反智的語癌病發傑作。
除了用字反映香港廢柴政府的弱能外，仲係大浪費，「家是香港」亂港八個月，用了幾多公帑，條數任佢哋噏，但喺全港大街小巷，凡有燈柱，都吊掛了那兩幅核突的宣傳膠布條，如今，一聲收皮，嘩！嗰啲膠布條全部「下架」，丟去垃圾堆填區，幾百年都不溶解，林鄭，你好唔環保啫！
今天，香港廢柴垃圾政府做盡叫人火滾之事，多到數唔晒，惟有行出來媽叉佢哋吧！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
