SUN搞作：少膽虫手記：新年新招
身連塊落！少膽虫喺新一年將會毫無懸念地繼續畀淫賤黎魚肉，大卸八塊，壹全霉宣淫販賤嘅極秘內幕消息仍然會不斷放送，敬請讀者留意。
閒話少說，淫賤黎出名迷信新嘢，開集屍會要新諗頭、睇宋詞要睇辛棄疾、食麵都要食辛辣麵，咁新年梗係又要有新嘢玩。「新嘅一年，適逢家陣蝕入肉，我哋遵循舊例諗新橋救亡，我唔收貨今晚無人可以去老蘭！肥豪唔好掛住食雞髀，快啲講！」淫賤黎捉住一大班準備喬裝嘅員工，照樣發噏瘋，個個敢怒不敢言。
「腦細，我哋應該要去老蘭。」肥豪用口扯開雞皮咀嚼再話：「我哋去請教嗰度蒲嘅財金演員官員推銷員，實諗到橋點篤靚盤數、瞞天過海啦！」
「叻仔！叻仔呀肥豪！」淫賤黎非常賞識肥豪：「快啲帶班仔仔女女落去接客！新年就係要搞啲新招數嘛！」
「新新新！你班友入冊過你嘅新生啦！」少膽虫呢句話，當然無講出聲。唔曉新嘢，只識口技不懂財技嘅少膽虫最後都係大嗌：「腦細英明！一於將股價由瑪利安納海溝推到上珠穆朗瑪峰！」
