政壇：鄧家彪除夕品嘗懲教飯
立法會勞工界議員Bill鄧家彪尋日喺懲教署助理署長胡英明嘅陪同下，參觀大嶼山塘福懲教所，話要就人口政策、釋放本地勞動力嘅問題作深入探討喎！佢哋一行十一人主要參觀懲教所其中兩個職業訓練中心，仲品嘗訓練過兩個月嘅中廚部學員手藝添。阿Bill話喺無火煮食嘅環境下，算好好味，而美中不足嘅係炒飯嘅飯冇隔夜喎！
鄧家彪（右二）聯同元朗區議員陸頌雄（右四）等人在胡英明（右一）陪同下，參觀塘福懲教所木模板工藝課程工場。
講到啲食物咁好味，係咪電話或相機都「有份食」先？阿Bill就話喺懲教所入面唔可以輕易影相，之後又因為食得開心過頭，唔記得影相。依家好多議員都識得上載活動相片到社交網站做宣傳，如果佢將來要直選，影相真係唔懶得，好彩今次政府有上載照片。
