由神級教主黃子華孭飛的神劇《My盛Lady》之大結局晚，收視出現出人意表地以二十四點低收，慘敗告終。

無綫為谷《My》劇，連親生仔也不顧的送個視帝寶座畀黃子華，但亦無補於事，最高也只得二十九點，連「三」都唔到，還收了二十四個投訴，話陳敏之演技差，另十三個投訴指結局剪接混亂。

唉！香港的電視劇水準下降，再不是新聞啦！新一代不看電視也是人所共知的大潮流，但今劑《My》劇慘淡收場，其死因確值得講個明白……

老實話，《My》劇的娛樂水平不太差，雖然古仔一般，亦不致得嗰二十四點，死得咁難睇嘅！要解讀和找出死因，最直接者，莫過於Ending前出現那個「趕客」的醜女（那個乜乜大師的徒弟）。

劇本設計一個超得人驚嘅《孽緣》（fatal attraction）醜女版，以瘋狂搞笑式演繹做ending，應可帶起高潮的，相信，這也是班度橋製作人的「願景」，唉！點知，畀那一粒老鼠屎搞喎晒！那不知名的茄喱啡，無演技不特止，動作生硬，表情造作，樣醜核突，睇多秒都想死，唔熄機就有鬼！本來，扮小丑，樣衰亦不是問題嘅！嗱！睇吓，周星馳電影中的男裝女版「如花」，史上有誰醜得過他呢？但從來無人討厭佢，反之，仲很肯愛「她」添，而《My》劇的醜婦，卻得四個字：「乞人憎」，肉麻當有趣！

今劑神劇大敗，除有「老鼠屎」叫觀眾熄機趕客之外，也因有另一件更乞人憎的唔叻嘅臭口怪，經常替無綫造孽積怨，令人不滿。在無得揀的鬱怒下，加加埋埋，咪發洩在你無綫最寄望的神劇身上囉！衰不在《My》劇和黃子華也！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android Apps