SUN搞作：SUN官場現形記：「脷」益先行
食環署署長「灼文」喺街上獨行。陰風一吹，只見街角元寶蠟燭前，有男子吐出綠色嘅脷，嚇到灼文腳軟……
灼文︰有怪莫怪，食署署長唔識世界！
男子︰你都知呢，畀番條……
灼文︰我得一條命，畀咗你就無，求你放過我喇！
（灼文靈光一閃，拎出袋中畀高僧作過法嘅符。）
灼文︰南無阿彌陀佛，快快打……救我。
男子︰好，就如你所願！
（男子一拳打在灼文面上）
灼文︰點解？點解鬼會唔驚高僧作過法嘅符？
男子︰你就鬼，我係食咗無牌Cupcake，條脷先變綠色，唔搵你攞番條紅色嘅脷點得！
