城中鏡：梁宏正追生女湊好字
早前喺一個公開活動再見到立法會議員梁君彥長子、菁英會主席Clarence梁宏正，佢興奮話囝囝將於下月中出世，但因太忙要靠太太準備BB用品，深感內疚喎！嚟緊日子，一定要好好揀架BB車同BB床畀囝囝。計起由依家至BB出世唔夠一個月，唔知佢同太太係咪已準備妥當，迎接小生命嘅來臨呢？
梁宏正嘅囝囝即將出世，但佢似乎唔緊張喎。
Clarence尋日就話，原來佢淨係買咗BB床，因仲有時間唔使急住喎。咁幼稚園學位問題又點呢？佢亦都話唔使咁心急，隨遇而安喎。咁會唔會計劃生多一個呢？佢就話兩個小朋友梗係好啲啦，一仔一女湊夠個「好」字就更好！
