城中鏡：鄺美雲 林達民十指緊扣去P
前日係平安夜，鄺美雲（Cally）同男友、恒地營業部總經理林達民一齊出席好友顧紀筠為老公陳仕偉所舉辦六十大壽生日派對，林達民仲主動拖住Cally合照添！
林達民主動拖住女友鄺美雲合照。
恰巧亦喺前日生日嘅Cally話，生日願望係身體健康同人人都幸福。問佢收到乜嘢生日禮物？佢話：「收到好多，有聖誕樹，而細佬好有心思，用咗萬五粒水晶砌咗我個樣，3D立體效果，好似我。」咁男友送乜嘢畀佢呢？佢話：「男友送咗手袋，朋友送玉佛。」
再問佢點解唔搞生日會時，佢話因陳仕偉「登六」嘛，顧紀筠話畀機會老公搞生日會，大家有共同朋友。Cally又話工作繁忙，所以冇時間旅遊。咁有冇結婚嘅好消息？佢只係答話：「日日都有好消息。」
