SUN揭秘：自幼習武 叔公成啟蒙老師
「細個嗰陣好鍾意睇武俠小說，覺得識武功嘅人好厲害，從此就對武術產生咗興趣。」伍師傅於新加坡出世，對家族一無所知，亦不知有家傳拳法，故年少時反向外求學洪拳、蔡李佛等，至十四歲那年隨父回鄉定居，認識其叔公，後來更成為他武學路上的啟蒙老師。
《六(月爭)逼打拳》家傳拳譜，是由伍師傅的曾祖從清朝皇室學得。
「當時叔公見到我，問我係咪好鍾意學武，仲叫我出盡全力打佢一拳。」伍師傅自言當時年少氣盛，眼見叔公身形瘦小，心裏盡是輕蔑，豈料拳一打出，倒下的卻是自己，「佢喺我就快打到佢嗰陣突然出拳，一拳就打到我老遠。」叔公使出的，自然就是家傳的《六(月爭)逼打拳》。
叔公從此成為師父，伍師傅那時每天四時起床，先替師父打水、梳洗，然後就是刻苦的修練。即使三年後滿師來到香港，他亦堅持每天花一定時間練習，至今亦從未間斷，正如他一直謹記叔公留給後人的警惕一般，「英光太露當防折，磨練還須勿自張。」
