匯聚武術發燒友嘅中華國術(香港)總會早前舉行第一屆理事局就職晚宴,講明係推介武術,當然好多習武之人嚟撐場,但喺芸芸武術高手當中,竟然發現民政事務局副局長Florence許曉暉嘅蹤影。咁奇怪!佢都嚟捧場?事出有因,原來佢靜靜雞習武多月。

許曉暉原來靜靜雞練咗太極幾個月。

Florence早前拜師學太極,佢話學咗之後發覺精神好咗,工作效率都高啲.全因為耍太極對調節身心好有幫助,有助紓壓,啱晒緊張嘅都市人喎!其實,Florence真係百足咁多爪,除咗習武外,又學習書法、音樂,興趣多多,仲不時拉埋兩個囡囡一齊上堂,同囡囡一齊學習,親子時間都多啲啦!

第一手消息請下載on.cc東網iPhone/iPad/Android Apps