電子產品智能及自動化風潮席捲全球,電子業愈來愈馨香。香港電子業商會早前舉行周年晚宴,商會會長兼「耳機大王」楊志雄好開心話,商會正籌組成立「青年創業及技術轉移委員會」,吸引業界第二代同白手興家嘅後生仔,為商會注入活力之餘,亦為提升香港未來競爭力儲備人才。

嚴子杰(左起)、吳民進、馬梓翎同洪樂天都係生力軍。

楊志雄

當晚唔少二代精英到場,包括前會長陳其鑣嘅囝囝陳樹鵬、時捷集團主席嚴玉麟大仔嚴子杰同萬保剛集團主席總裁洪劍峰公子洪樂天等人。嚴子杰兩年前負責開拓集團嘅LED燈業務,迎上環保潮流,成績理想,今年業績仲比去年勁增一倍添!

楊志雄就話,雖然智能化及自動化令業界商機處處,但新商業模式崛起,業界都要打起十二分精神應對,唔能夠沿用舊思維。

第一手消息請下載on.cc東網iPhone/iPad/Android Apps